إختار صح بقلم : نها سرور انغام كان عندها حق لما قالت" وقلبها خف من مرضه" ، عشان الحب اللي بيوجعنا و يحطمنا ويحسسنا بمّر ا...
 |
| إختار صح |
بقلم : نها سرور
انغام كان عندها حق لما قالت" وقلبها خف من مرضه" ، عشان الحب اللي بيوجعنا و يحطمنا ويحسسنا بمّر الحياه عمره ما هيريحنا او هيفرحنا، الحب اللي بيكسر قلوبنا ويقسيها عمره ما هيسعدنا ولا يريح قلوبنا. وفعلا الحب من النوع ده عامل زي المرض اللي أنغام قالت عليه فلما قلبك يبطل يحب بالطريقة دي يبقى فعلا خفّ من المرض او بمعنى اصح الحب اللي بيوجعنا يقسي قلوبنا ويكرهنا في الحياه ده مش بس بيبقى مرض، لا ده بيبقى لعنه وقلبك اتصاب بها وعمرنا ما شفنا الخير في لعنه ابداً....!! فأكيد قلبك لازم يتعالج من المرض ويخفف من اللعنة،لازم ننسى كل اللي عشناه ووجعنا وحطمنا، لازم ننسى كل اللي خلانا نعيط وننام دايما واحنا مقهورين، لازم ننسي الماضي بمعنى الكلمه عشان كل اللي فاتنا مكنش لينا نصيب فيه .انت اللي هتدي الفرح لقلبك والحياة لنفسك والسعاده لحياتك، انت بدايه حياه جديده لنفسك اولها " أنا ثم أنا "
إقرأ المزيد :
فكر إيجابيا
