الإحتواء

الإحتواء كتبت : نها سرور ‏من فترة مش قليلة كان حد سألني في أكثر شيء أنتى مفتقداه فقلتله الإحتواء!!!. مش هنكر أن أنا وسط أهلي وعائلتي وأنه مع...

الإحتواء

كتبت : نها سرور

‏من فترة مش قليلة كان حد سألني في أكثر شيء أنتى مفتقداه فقلتله الإحتواء!!!.

مش هنكر أن أنا وسط أهلي وعائلتي وأنه معايا صحابي والناس اللي بحبها بس مش حاسة بإحتواء او إنتماء الى أي جهة من دول، ما عنديش حد أروحله وأنا زعلانة ولا حتى أحكيله عن اللى مضايقنى ، معنديش الfav person اللى أجرى عليه في أي وقت وأحكيله أو حتى ألاقيه موجود ، أوقات كثير ببقي محتاجه أتكلم و أفضفض مع حد وملقيش، بقعد أقلب فى الcontacts ع حد أقدر أتكلم معاه وكل اما أفتح إسم معين بتردد وبطلع برا الapp نهائي، حقيقي أنا مفتقدة إحساس أنه حد يحتوينى ويطمنى فى عز خوفى ، عايزة حد أقدر أحكى معاه أو أنه ألاقيه فى أى وقت. محتاجه حد أحكي له تفاصيل يومي و اللي بيفرحني ويزعلني، محتاجة يسمعني ويسمع كلامي الكتير واللي من غير فايدة بدون كلل أو ملل.

مش هنكر وجود ناس كتير فى حياتى بحبها وبتحبنى بس إحساس أنه انا مش نمبر وان أو الاختيار الاول عند حد فدا بيخلينى أنسحب من الحوار.

أكيد كل واحد ناقصه حاجه او جواه فراغ تجاه حاجه معينة ،فيه اللى ناقصه وجود أهله أو حتى وجود صحابه، فيه اللى ناقصه الحب والاهتمام. بس حقيقي إحساس الإحتياج والإحتواء اللى متمكن من الواحد بيبقي أصعب من دا كله ؛ لأنه بديهى بتحس بكدا حتى فى عز وجود أهلك أو صحابك أو اخواتك جمبك ، بيبقي صعب أنك مفتقد الإحتواء من أقرب الناس ليك ومش لاقيه.